Ныптызольхьэ си щхьэр...

Ныптызольхьэ си щхьэр,гум зезгъэгьэпсэхуу,
Укъеджэф къысф1эщ1у си гум илъ си щэхум.
Сызэрыпхуэныкъуэм,сызэрыпхуэзэшым,
Дэ дигу илъхэр зыри зэрыздэдмыгуэшым.

Уи щхьэм сыт щызек1уэр?Нэхэм сыт ялъагъур?
Уи гур дэнэ здэк1уэр?Хэт уэ ф1ыуэ плъагъур?
Зы жэуап симы1э,узгъэлъагъу уи лъагъуэщ,
Си 1эк1э уздэсшэрщ уэ уи гъуэгуу плъагъур.

Закъуэныгъэ гуащ1эм уэ сомыгъэтхьэлэ,
Уэ къызже1э псалъэ,къэгъэуш уи хьэлыр.
Сыкъомынэ губгъуэм уэ базу ц1ык1у дамэншэу,
Сэ сыпсэукъым,пщ1эрэ,нобэк1э уэрыншэу.

Уи 1эхэм куэд щ1ауэ хуабэ лъэпкь хэлъыжкъым,
Уи бзэми куэд щ1ауэ дахэ къыпык1ыжкъым.
Сэ си жагъуэ къащ1ми,уэ укъысщхьэщыжкъым,
Мы дунейм щек1уэк1ым зыри хэпщ1ык1ыжкъым.

Сыщ1эк1ауэ щытмэ,уэ укъысхуозэшыр,
Ар яжомы1эфу,ущыслъохъуэ пэшхэм.
Сабий ц1ык1ум ещхьу укъысщогуф1ык1ыр,
Сыкъыщ1ыхьэжамэ,нэхэр къогуф1ык1ыр.

Сэ Алыхь 1эщ1агъэм зы хузи1эмалкъым,
Алыхьышхуэм псори дэ дыщ1этщ и щ1агъым.
Арщ нэхъыф1ыр зыщ1эр,сэ хузощ1ыр ф1ыщ1э,
Усхуэпсэущи нобэ,при сф1эмымащ1э!

30.12.21гъ