Ви ашкъидин бенде я зун 2-1

Магомед Мирзоев Мирзой
Гуьзел руш, ваз за гьахъ лугьун:
Гунагьсуз темягь атана.
Акурбуруз начагъ лугьуз,
Лап зи аман-пагь ат1ана.

Лали-гевгьер, назик п1узар-
А п1узаррин хъвер я ширин.
Бешмедикай ч1улав ч1арар
Акурлай, тегьер я ширин.

Заз акур туш ихьтин мерез;
Рик1е зурба  дидар ава!
Зун ама мез юзар тежез-
Хура , къугъваз, ц1аяр ава.

Югъди-йифди мани лугьуз,
Ашкъи бегьем п1ир хьанай заз.
Садлагьана атай ч1авуз,
Вучиз амай сир хьана заз?

Умуд авач, гьак1 килигиз,
Тийижир гил т1ал хьана заз.
Дири рик1ел цаз эцигиз-
Им вуч ишел-хвал хьана заз.

Минет я ваз, азиз инсан,
Яраб им зи хиял жеди,
Шаклувилиз акваз дарман,
Зун ви багъдин кьулал жеди.

Гуьзел руш, ви т1вар я назик
Тамарзлу танни къамат я.
Минет я зи гьалдиз килиг,
Заз и гьал лап хажалат я.


© Copyright: Магомед Мирзоев Мирзой, 2022
Свидетельство о публикации №122030105463
Список читателей / Версия для печати / Разместить анонс / Заявить о нарушении
Другие произведения автора Магомед Мирзоев Мирзой
Рецензии
Написать рецензию
Другие произведения автора Магомед Мирзоев Мирзой