Хто ты? Хто я? Хто мы з табою
На гэтай грэшнае зямлі?
Што мы бярэм у шлях з сабою,
Што ў неба сёмага ўзялі?
Жыццё людзей, як тэарэма,
Якую трэба даказаць.
Калі душы бывае дрэнна,
Заўжды ёсць Богу што сказаць.
Бо Ён -- стваральнік нашых душаў.
Ён той, хто слухаць іх хацеў.
Была малітва ў Храме слушнай --
Анёл над крыжам праляцеў.
На крыллях тых яскрава - белых
Зіхцела сонца, жыў спадзеў.
Анёл у нашы душы верыў
І ў сэрцы нашыя глядзеў.
Яго пагляд не быў трывожны --
Анёл святло для ўсіх дарыў.
Каб ты і я, каб вернік кожны
Надзею нёс, дабро тварыў.
09.02.2020. Заслаўе
***
© Copyright: Валерий Познякевич, 2022
Свидетельство о публикации №122021505889
Свидетельство о публикации №122021505889
Рецензии
