Хьанват1а эгер шиирдик бугъаз,
Вахтунда акъуд, тамир ви къене.
Фад къачу къелем, фад къачу кагъаз –
Амукьдалди тек, хьурай ви гине.
Шиирар балаяр хьиз я шаирдин,
Т1варни це кутугай, тамир алачиз,
Тахьурай садрани пацук таъсирдин,
Илгьамдиз хуш туш патав мамачи.
Шагьадатнама къачу вахтунда,
Ч1урубур ава амалар пара.
Вил алатзамаз, тадач, чапхунда,
Къача-къуч девир, т1афалар пара.
Жуван, чара мал-вуч ят1а течиз,
Бязибур гелева гьарам крарин.
Ацукьмир къайгъусуз, аявал тийиз
Иесивал ая жуван ц1арарин !
Жуваз несигьат...
© Copyright: Тамила Хуршидова Салманова, 2022
Свидетельство о публикации №122020707076
Свидетельство о публикации №122020707076
Рецензии