Буьйсанан тийналлехь деган мерз бекаш,
Тийналлин мукъамех хьо велахь кхеташ.
Цо хьайга дош аьлча дог хелха дуьйлуш,
Хазанза хан йалахь гIайгIане вуьйлуш,
Исбаьхьа йуьхь-сибат дуьхьала туьйсуш,
Анайист кIаййаллалц ойланца къуьйсуш,
Наб йайна хьо лелахь дIаэца кхаъ.
Кхолламо сиз хьаькхна, шеко йац цхьаъ.
Безаман хIуо кхетта хьан дагах, хIай.
Хьо-м хIинца бакъдолчу ирсан да вай.
Буьйсанан тийналлехь...
© Copyright: Джамал Дударов, 2022
Свидетельство о публикации №122020209266
Свидетельство о публикации №122020209266
Рецензии