Къецел экв гузвай лампадвай йифиз,
Т1вет1ери экв, чим къачузвай чпиз.
Кьац1ай чкайрив язвай чеб вердиш,
Ягъизвай абуру лампадиз шириш.
Вичел т1вет1ери акъудзавай йиф,
Кьац1ай лампадин экв жезвай зайиф.
Гила т1вет1ери акъудзавай къал:
«Чими жезмач чаз и псисдин ц1ал!
Жагъурна к1анда михьиди пака,
Ялгъуз амукьрай и кьац1ай ака».
Садра гьуьлуьхъай акъатай гару
Чук1урна лужар т1вет1ерин «хару».
Гуьгъуьнай кватай марфади ахпа
Чуьхвена, михьна т1инкьеркай лампа.
Лампадин эквер хъхьана гужлу,
Хквезвай адал мад т1вет1ер шулу.
Амма лампадал элкъвез хьана гар,
Кьилиз акъатнач т1вет1ерин бед кар.
Им туш тербия, я туш несигьат,
Милли ирсинин тварар я ибур.
Винел акьалтда анжах гьакъикъат,
Эгер хвейит1а адалат, сабур.
Лампадал т1вет1вер
© Copyright: Тамила Хуршидова Салманова, 2022
Свидетельство о публикации №122012709215
Свидетельство о публикации №122012709215
Рецензии