Яна танцуе хіп-хоп,
І грае на балалайцы.
Ды ёсьць адзін недахоп --
Няма Пагоні на майцы.
Яна не спіць па начах,
Яна жыве для Айчыны.
Струменіць шчасце ў вачах
У гэтай шчырай дзяўчыны.
Прыпеў:
Яна зусім не адна
Па ціхіх вуліцах ходзіць.
І п'е свабоду да дна,
І сэнс у гэтым знаходзіць.
Спявае радасны дзень
З дачкой сваёй Купалінку.
Яна да шчасця ідзе,
Шукае ў шчасці хвілінку,
Каб перадаць свой настрой,
І мне даслаць эсэмэску.
Я з ёй, нібыта з сястрой,
Згубіўся ў творчым гратэску.
Прыпеў.
Яна зусім не адна
Па ціхіх вуліцах ходзіць.
І п'е свабоду да дна,
І сэнс у гэтым знаходзіць.
16.11.2011. Менск
Хiп-хоп
© Copyright: Валерий Познякевич, 2022
Свидетельство о публикации №122011409238
Свидетельство о публикации №122011409238
Рецензии