Шляхі-шляхі... На кожным шляху людзі.
Куды ідуць, чаго патрэбна ім?
Якая вера люд штодзённа будзіць,
А, можа, Бог, што ўсім спявае гімн?
Кіруе Ён пачуццямі народа,
Які не згодны ў рабстве болей жыць.
Ці не таму прыдбала сэнс Свабода,
Што на Шляху памкненняў тых ляжыць?
Хто крочыць да яе -- той здабывае
Любоў і ласку, міласць і спадзеў...
Свабоды без змагання не бывае.
Свабода без надзеі прападзе.
Пакуль мы ёсць -- ідзём па Шляху Божым.
Яднаем думкі і нясём святло.
І веру продкаў у малітвах множным,
Каб памяць нашу не кранула тло.
23.12.2021. Заслаўе
Шляхi
© Copyright: Валерий Познякевич, 2022
Свидетельство о публикации №122010704363
Свидетельство о публикации №122010704363
Рецензии