Абарвалася нацятая струна --
Без яе жыццё маё -- маркота.
Я яе так многа раз кранаў,
А цяпер -- струна застыгла ў нотах.
Я хацеў з ёй вельмі доўга жыць
І да грыфа пальцамі прытульваць...
Што з табой зрабілася, скажы,
Ці табе у строі больш не ўтульна?
Першая струна на Новы год
Абарвала ўсе мае жаданні:
Памяняла думак вольны ход,
Як цыганка з картамі ў гаданні.
Пройдзе боль --
Змахну рукою сум.
Памяняю струны на гітары,
І сустрэну новую вясну,
І расквечу спевам свае мары.
02.01.2022. Заслаўе
Струна
© Copyright: Валерий Познякевич, 2022
Свидетельство о публикации №122010704248
Свидетельство о публикации №122010704248
Рецензии
