Лъагъуныгьэм и лъэужь

Лъагъуныгъэм и лъэужьыр-
Ар къыщожьэ адэ жыжьэу.
Сабиигъуэм и к1эухым,
Балигъып1эм щызиужьым.
Арщ псом нэхърэ нэхъ къабзэр,
Хэткъым абы лъа1уи убзи.
Гумрэ гумрэ зэротхьэщ1ыр,
Нэхэр зэхуэзам кьыпф1ощ1ыр
Уэ узэплъым уи псэр хэлъу,
Уи насыпри зыбгъэдэлъыр
А зызакъуэрауэ пщохъур,
Ауэ гъащ1эм куэд къыщохъур.
Уи гум илъ умы1уэтэфмэ,
Лъагъуныгъэр жомы1эфмэ,
Гъуэгум абы утреш,
Нэгъуэщ1 щ1ып1эк1э у1уеш.
Дэнк1э уэ умыгъэзами,
Уэ гъуэгу дапщэ къомык1уами,
А лъэужьыр къыщежьам
Уи гупсысэм егъэзэж,
Лъагъуэ нэхур къелъыхъуэж
И къабзагъэм 1уплъэжыну,
Къытенахэм еджэжыну.
Пэжщ,абы зэман и1ащ,
Ар дэ къэтк1ури,иухащ.
Иджы мыдэ къэгъэзэж,
Узытетым теувэж.
Ари къабзэщ,ари нэхущ,
Епткъыми аращ гум псэху.
Арщ нэхъ лъэщыр,арщ ууейр,
Ар ухуейм къехьэх,дэхьей.
П1этыфамэ,ар лъагэнщ,
Ебудыхмэ,щ1ым хыхьэнщ.
А лъэужьырщ уэ ууейр,
Уи 1уэху хэлъкъым уэ адрейм.
Мы дунейм арщ кьытебнэнур,
Сыхуейщ абы гу лъыптэну!

09.12.21гъ