Дигъэунэхуащ дэ куэдрэ лъагъуныгъэм,
Зэгъусэ дищ1ри,зэрыз дыхъужащ.
Сэ къызолъытэ лъагъуныгъэр л1ыгъэу,
Л1ыгъэншэ куэдым ар яут1ыпщыжащ.
Уэ пхурикъуакъэ уи къарур,къызже1эт?
Зы псалъи,сэ сежьами,къызжомы1эу
У1ук1уэтащ,гухэлъым сэ къыхэп1уу,
Си лъагъуныгъэр къыпк1элъыгърэ щэ1уу.
Укъызэплъэк1ыу гу щэщам уеплъакъым,
Къутахуэм щыщи щыри къыздэпщтакъым.
Ар нобэ къэск1э зэхузохьэсыжыр,
Хьэмэ къэпщтауэ п1эрэт,схурикъужкъым?
Зэрызу а къутахуэхэр къысхоуэ,
Дэнк1э щызгъэпщк1уми,си нэхэм къыщ1оуэ.
Нэгъуэщ1ым и гур с1ыгъщ сэ быдэ дыдэу,
Ауэ къысхоуэ уи къутахуэр дыду.
26.09.21гъ
Гум и къутахуэ
© Copyright: Кипова Лена, 2021
Свидетельство о публикации №121122507365
Свидетельство о публикации №121122507365
Рецензии