Хъфимир, захъ галаз акъваз,
Яргъи ая заз и сувар,
Заз кIанзава, яр, ваг рахаз,
Кьабула зи рикIин ялвар.
Яргъи руша аялрин хьиз,
Къуй хкажрай, яр, чи гьевес,
Гьазур хьанвай са рекьяй физ,
Къаст тир санал чIугун нефес.
Вун руьгь я зи, рикIин мурад,
Зи манидин билбил я вун,
КIандайвл лув гузвай, азад,
Зи уьмуьрдин гуьгьуьл я вун.
Вуна лув це, вили цава,
Лацу лифре хьиз зи винел,
Зи вилерин нур, зи гьава,
Заз дуньядлай багьа гуьзел.
Къуй авурай чи рикIери
Везиндалди сад хьиз кIвалах.
Салам гуда чаз цуьквери,
Чи шадвилел ийиз дамах.
Вун, зи рикIи, зи беденди,
ТIалабзава загай Гуьллуь,
Вуна гайи са теменди,
Зун ийизва валлагь дели!
1958 г.
Вун руьгъ я зи
© Copyright: Садых Гаджиев, 2021
Свидетельство о публикации №121121807405
Свидетельство о публикации №121121807405
Рецензии