Не разумею песімістаў,
Ім даспадобы чорны колер.
Шаную слаўных аптымістаў,
Якіх усё ж на свеце болей.
Як пераносчыкі хваробы,
Заразны выгляд песімістаў.
Проціпрыродныя асобы,
Іх непапраўнасць, непахіснасць.
Непранікальнасцю да праўды
Навечна песіміст закуты.
Недасягальны да парады,
Успрынімае ўсё пакутай.
Недатыкальныя асобы,
Негаваркія, з недаверам.
Усюды бачаць недаробы,
У белы свет зачыняць дзверы.
Шкадую бедных песімістаў,
У іх зашораныя вочы.
Узвышу слаўных аптымістаў,
Са шляху існага не збочаць.
Не разумею песiмiстау
© Copyright: Татьяна Цыркунова, 2021
Свидетельство о публикации №121121002548
Свидетельство о публикации №121121002548
Рецензии