Атэжъ чlыналъ
Уитыжьын жъуагъохэр
Сыдым пэсшlынха сичlыгу кlас?
Уичэщ мэзагъохэр,
Дунай нэфынэхэр
Сищыlэныгъэм идышъэ лъапс
Жъыу:
Атэжъ чIыналъэу гур зыфэуз
Хъярыми, къиными сэ сыуигъус
О уидэхагъэм зэ сыхэгъаплъ
Сигупсэу - Атэжъ чlыналъ
Синыбжыкlэгъори
Жъыгъэ гупсэфыри
Зыкъыуащэкlы о, сихэгъэгу!
Тэ сыщымыlэми,
Сыд къэмыхъугъэми
Укъыкlэуцо ренэу сынэгу.
СиНанэ ишlулъэгъу
СиТатэ игукlэгъу
Жъуагъо пшlыкlутlум якъыщежьапl.
Сихэкоу Адыгей
Атэжъ чlыналъэр Ей
Темыт Дунаим ощ нахьы лъапl.
24.10.2021 илъ.
къ. Инэм
Свидетельство о публикации №121120203833