Ваз к1анда хуьр. Ваз к1анда зун…
К1анивилихъ кьадар авач.
Гатфарни хьиз ваз к1анда зул…
Чубарукриз хабар авач.
«Чан зи дурна, гьажилеглег» –
Лугьуда на, милиз хъуьрез,
Ихтибарна рик1ин куьлег…
ВиртIедилай ширин я мез.
Рагъ ятIа вун? Авагъна цуьк.
Зи чинал мад хтана хъвер.
Са легьзеда къудгунна рикI…
Зи ширинди, ачух пенжер…
Дуьньядава крар тежер,
Авахьзава зулун пешер.
Зулун пешер
© Copyright: Тамила Хуршидова Салманова, 2021
Свидетельство о публикации №121112200516
Свидетельство о публикации №121112200516
Рецензии