АЗ ДУ1А ДУ Мустафа Ганижев

           АЗ ДУ1А ДУ          Мустафа Ганижев

Къахетам бе сох, са веза Даьла!
Со к1аьдвана, ца могаш хьоствала,
Сагатонца, безамца толийта,
Б1аь никъ болаш сона  духьал кхета!
 
Форда юсте Мувсайца со халийта,
Аллах1 хьогар аз дехаш г1умар т1а,
Со цига вожаш Мувсайна т1ехьа,
Форда талг1еца къахетам лаха.

Элчана кувгах со хула хьорчаш,
Цох тешал хеташ Хьо аз вазавеш.
Сина, дег1а кхы хила, магацар,
Из деррига дар, Аллах1о данар.

Аллах1 ейта 1а, хье веза морзал,
Цу хана гойташ сона деза тешал!
Бийсана хьежар ба, къулба седкъа,
Кха а боаккхаш цига, сина т1аккха.

Седкъа з1ынаро со хьеста, теве!
Аргда аз, эзарца къахетам бе!
Къахетамеволчо, корта тохаш,
Тхьовсаргва со да-нана лохаш.

Аллах1 – тха Къахетамевар тхона!
Хоастам ба Хьона, 1а дерриг дана!
Ка-на1-буду, и-я канаста1ина!
Хьона сужа ду аз, даим, денна!

Я, Аллах1, тха веза Элчи духьа,
Мукъале я 1а, тха г1алг1ай къамана!
Тха Мохк дийнабеш 1а, из Хьай духьа!
Я 1а, -  Хьайгар торо мукъале денна!
 
                15. 08. 2021 ш.