К|аниди, агакьна чунни мураддив,
Рик1ерин хиял тир и островдив.
Ина тек зунни- вун, мадни чи гьиссер,
Лагь, на кхьизвани ашкъидин эсер?
И кьил, а кьил таквар- зурба океан,
Иер я, на лугьун галач са нукьсан.
Лепеяр нубатдив секинз агатиз,
Чун кьвед кьаз къужахда ава къакъатиз.
Килига, вун ингье алахьай цавуз,
Цавар эвич1нава саки салам гуз.
Эцигна хунчадал захадиз гъетер,
Вили, лацу, хъипи куьк1уьрна эквер.
Бес вучиз варз икьван сефилзават1а,
Такур муьгьуьббатдал ам пехил ят1а?
Белки зун акъудна вичин гъилерал,
Ксуриз к1анзава чими мет1ерал?
...Варзни захъ агудмир вуна масанди,
Гьиссерин пак алем -хуьх чан хъсанди.
Це на заз гъетерин, вацран миливал,
За гуда ваз даим ракъин чимивал...
...Чи кьведан остров, гьич тахьай гьиссер,
К|аниди, кхьихь на, гаф гайи эсер ...
Чи кьведан остров
© Copyright: Теране Оруджева-Керимова, 2021
Свидетельство о публикации №121101907811
Свидетельство о публикации №121101907811
Рецензии