Цаварикай кьеж к1вахьзавай,
Тарарикай пеш к1вахьзавай,
Илгьамдин шив рахана зав,
П1узарикай хвеш к1вахьзавай.
Гьар са нямет бул я, лугьуз,
И вахтунин т1ул я, лугьуз,
Цифер, марфар рик1еллачиз,
Ам хуррам тир зул я, лугьуз.
Авурвиляй яргъал гуьзет,
Чими къулав, к1вале хелвет,
К1арасдин ц1ай, мехмери чай -
Хкудзава ада лезет.
Гатана рак, гьахьна к1вализ,
Рагъ аватна адан чиниз.
Дуьньядилай зун к1ан тирди,
Якъин хьана ширин чандиз.
Экуь зул
© Copyright: Тамила Хуршидова Салманова, 2021
Свидетельство о публикации №121100807905
Свидетельство о публикации №121100807905
Рецензии