Аскердин парталдихъ аялвал жуван,
Дегишна,тазади автомат кьуна.
Дидедин-бубадин хциз, эркиван,
Амансуз дяведин серт чин акуна.
Гьикьван викlягь тиртlан,гъафил гуьлледи,
Жагъурна сенгерда,хуралай яна.
Гъамунин,дидени буба,шеледи,
Уьмуьрдин эхирдал шупlна,агагъна.
Вуж я телеф жезвайд,фурсзавайди-вуж?
Дамахар нин чанда,дердер нин кlулал?
Дяве кутазвайбур рекьизвайбур туш,
Абруз чпин марагъ алайд я юкьал.
Гьикl лугьун дамаха,шегьид рухвайрив-
Велед чlулав чилиз ганвай дидейриз?..
Арсузар кутуна чlулав рухарик-
Хьурай югъ...чилеркай фидай чилериз!..
28.09.2021 г.
ДЯВЕ...
© Copyright: Намик Фарзалиев, 2021
Свидетельство о публикации №121100703079
Свидетельство о публикации №121100703079
Рецензии