Чаз я къуба нугъват, яни куьре нугъват герек туш,

Гьикl я ви гьал,вучзава,миллети-лезги,вуна?
Квез къе барабарда кьван гъейрети-лезги вуна?
Вич я "элиф","бе" течиз,алимарал гъизва хъен,
Абру кхьенвай чlалан къайда-фалан туш беген,
"Чlал дегишин кlанда чаз,"-тади кутазва:"Йигин!"
Де ша гьикlа,гьи рекьив-гьич вичериз туш якъин...
Тур тlун авай чlал вичив,нибгети-лезги,вуна,
Вуч я и гьал,гъиз ава,миллети-лезги вуна?
Гьазур авай дуьз чlалаз нирх эцигиз,гьич лугьуз,
Заз зи нугъат кlанда луз,"вич" гафуниз "уьч" лугьуз,
Акси къведайдаз гьелег кьазва,хьурай кичl лугьуз,
Зунни рази туш чlурун гьар кlеридиз ич лугьуз...
Гаф вуганай мад хъийич сугьбети-иски вуна,
Гьикl ава вун,вучзава,миллети-лезги,вуна?
Кlватl хьанава са кlеретl:"чlал дегишарда чна!"
Вуч жеда хьуй:тек са фин чун "куьре"дин аксина.
"Чаз чи нугъат верцlи я",-терсвилериз чин-чина...
Гьин чlала мадни ава и гьуьжетар,мад гьина?
Я "чlалан алим",рекьиз гьуьрмети-лезги вуна-
Лагь де,къазалмишдани рябети-лезги вуна?
"Туш "къуба"ни чаз герек,чид "кьвепеле" я гила,
"Чи кlвале" кхьич чна,чид "жи кlвеле" я гила"...
"Икти" гафар ван "этиз" зунни ама "ригъила"...
Вуч жеда кьван сад хьана,кьаз хьайитlа "гъил-гъила"?
Кьин кьунавани жедач сад-къетlи,лезги,вуна?
Бесра,мейир и гьалар  мад къати,лезги, вуна.
19.09.2021 г.