Къуран 2:216 (мана): «Ва мумкин я, квез са шей такIан хьун, амма ам (гьакъикъатда) куьн патал хийирлу я, ва мумкин я квез са шей кIан хьун, амма ам (гьакъикъатда) квез зиянлу я, - Аллагьдиз чизва, ва квез чизвач!».
Эх ая, дуст, к1ан жемир ваз секинвал,
Къастунай ам тагай ч1авуз Аллагьди.
Белки дуьнья тахьуй лугьуз ширин ваз,
Кьун тавурай лугьуз ви рик1 гунагьди,
Гузвачт1а ваз т1алабзавай зат1ар, дуст,
Яргъаз тахьуй лугьуз ви рик1 Вичивай,
Регьимлудахъ ава гуьзел Т1варар, дуст,
Абур кьат1ай кас бахтлу я рик1ивай,
Белки ваз ви хийир тир шей залан я,
Ваз хийри яз аквазвайди - зиян я,
Ваз чизавач, Сад Аллагьдиз чизва, дуст,
Адан Камал кьут1уз жедач винелай,
Гьар четинвал регьятвилихъ физва, дуст,
Анжах эха, алатмир дуьз рекьелай!
Эх ая, дуст!
© Copyright: Муса Ахмедов, 2021
Свидетельство о публикации №121092507811
Свидетельство о публикации №121092507811
Рецензии