(Аялар патал шиир)
Тамун алем, экуьн хийир!
Вучиз хьанва ийир- тийир?
Мад жедалди гьава зегьем,
Акван чна крар бегьем.
Ахвар квахьай шур- шур булах,
Гьим ксанма, гьим я уях?
Вуч атанвай ярарик кваз,
И земземдин ст|алар хъваз?
Гъвеч|и хуьрлуьнк| квахьнавай ттум,
Ни авуна ваз и зулум?
Вач, фаддаказ лукьман аку,
Раб - дармандив чара аку.
Чан куьлуь нуьк|, мад зи капуз,
Атанвани мани лугьуз?
К|анзават|а заз темен гуз?
Белки чими салам вугуз?
Вилел ахвар алай пепе,
Алатнаван ви рехъ ингье?
Ша, ацукь зи гегьенш гине,
Хушзавачт|а, эляч| лув це.
...Алук|а п|ип| иер нини,
Эшинун къе чна тини.
Фуар чран верц|и т|или,
Чаз мугьман хьуй тамун эгьли...
Сафиядин са йикъан килигунар
© Copyright: Теране Оруджева-Керимова, 2021
Свидетельство о публикации №121092302230
Свидетельство о публикации №121092302230
Рецензии