Си гум и хьэлыр ихъуэжауэ
Нэху нышэдибэ сыкъек1ащ.
Щытами си щхьэр сэ гъэщхъауэ,
Зэрысхуэ1этк1э ар с1этащ.
Щхьэ быни,благъи,си гъунэгъуи
Жа1эфу хъуар ***й езгъэхын?
1ыхьлыи си ныбжьэгъу-жэрэгъуи
Мыхъумыщ1э жа1эми,згъэгъун?!
Сыт-т1э сэ си гур щабэу щытмэ?
Щыта махъсымэри къыщеху.
Гушы1эм я щ1агъыбзэр щ1эту
Жьы къабзэ я гум драгъэху.
Щ1агъыбзи е1уэк1и хэмыту
Гум илъыр жы1и сф1энэхъыф1щ.
Гъунэгъу-жэрэгъу яхуомы1уатэу
Къызже1э сэ,мис ар нэхъыф1щ!
Дэтхэнэми и гуапэ сщ1ыну
Сыт сызезыхуэр? Щхьэ сыхэт?
Иужьым къуаншэ сыхъужыну?
Иджы къысхуейм сыкърегъуэт!
Аф1эк1 сэ зыри къэзмылъыхъуэ,
Къыслъыхъуэм сэ сыкъигъуэтынщ.
Къысхуейуэ 1уэхук1э сыкъилъыхъуэм,
Сэбэп зэрыхъук1э сыхуэхъунщ.
Гу зэ1ухар си япэ иту
Дунейм аф1эк1 сытемытын.
Сыжэнкъым псоми япэ ситу,
Ауэ къысхуеймэ,сагъуэтынщ!
16.09.21гъ
Си гум и хьэлыр ихъуэжащ
© Copyright: Кипова Лена, 2021
Свидетельство о публикации №121092207439
Свидетельство о публикации №121092207439
Рецензии