Са хизандин кьисмет

Кьуд пад дагъ тир , адан
к/ане.
Эк/я хьанвай са хуьр ,куьгьне.
Харап/айрин тир ам къеле ,
Са кьве хизан амай гьеле.

Вахт тира им нянин рагъдан ,
Хьайила чун хуьруьз мугьман.
Гьалтна гьана чал са жаван ,
Гьадакай зун къе квез рахан

Жегьилди чаз гана теклиф ,
Вичин к/вале акъудиз йиф .
Рак ахъайна ,хьана алциф ,
Са свас авай к/вале зериф.

Гададин гьал тир перишан ,
Аквазвай дерт гвай хьиз залан.
Адан чинин акур лишан ,
Суал гана занни жуван.

Вахъ вуч хьанва  я чан стха, 
Вучиз  сефил я вун ик/а ?
Кефи ханани и суса ,
Вучиз гват/а лагь вав суза?

Т/ал гьатай хьиз  вичин кьиле ,
Акъвазна ам кьуна келле.
Эцягъайди адан хире ,
Кьат/ана за  акур жуьре.

Гужуналди гана жаваб,
 Чуьнуьх ийиз рик/ин азаб.
-Авуналди вах за арза ,-
Къакъатдани зав гвай суза?

Яраб никай хъел ават/а?,-
Мад зи фикир гьатна яц/а.
К/валевай са свасни гада,
Кьеп/инани куьрпе бала.

Яргъалди  фена чи суьгьбет,
Гъавурда зун гьатна гьелбет.
А паталлай к/вале хевлет ,
Диде авай -гададин  дерт.

-Язух къвезва зазни диде ,
Амач уьмуьр , акьван вяде.
Свас гъайи  йикъалай к/вале,
Къал-макъал я адан кьилел .

Гьар са кардиз ягъиз тегьне ,
Зазни ийиз гьадлай фитне.
К/ан ят/ани заз зи диде ,
Ийидани  хизан херде ?

Хуьз тахьана жуван сабур ,
Занни хана дидед хатур .
Пайна вири, бадини-т/ур ,
Пашман хьана ава зун ,кур.

Ацукьнава гила вич тек ,
К/андай ч/авуз вичиз куьмек.
За фу кягъиз недай кьелек ,
Къачудалди ихьтин лянет.

-Амукьна зун ийиз фикир,
Чир хьайила гададин сир.
Нинди ят/а яраб тахсир ,
Вуж  жедат/а пашман эхир?...