Жашым Зауургъа
Бирде къалай ушайдыла дунияда
Кёк жашнау бла жашауда къыйынлыкъла.
Къадарымда буюрулмай кёрюрге
Жашымдан туугъанны эркелетирге,
Аны орнуна бушууну буюрдула.
Тюшюмде уа ойнай эди бир рояль.
Къарап пианистни бармакъларына,
Сейир этдим алада ариулукъгъа.
Мени толмай къалгъан умутларымдан
Айта эди хапар бир сейир макъам,
Сора къулагъыма башха макъам эштилди,
Жюрек къылым олсагъат титиреди.
Тыхсый эди, бир адыргылыкъ къысып,
Эштип сюймекликни симфониясын.
(О, жашау, нек къыйнадынг былай мени?)
"Жан тынчлыгъымы аясанг а," - дедим
Мен ол жыргъа, шош ауаз бла шыбырдап.
Алай палах келед ызымы ызлап.
Фарида Кудаева Сыну Зауру
© Copyright: Аминат Рахаева, 2021
Свидетельство о публикации №121090506675
Свидетельство о публикации №121090506675
Рецензии