Юкьва авай Гашанринни Хъукьварин,
Къужахдавай тик акъвазай тамарин,
Ични, чуьхвер гуьне ац/ай марц/арин,
Т/ебиатдин гьамбар-багъ я ,Дардархуьр.
"Къарачупанар",булахдин къайи яд,
Акваз к/ан я гьар мугьмандиз адан дад,
Кьиле тухуз мелни-мехъер рик/ер сад,
Кьегьал хвайрин бажарагъ я , Дардархуьр.
Халис чилин иесийри безетмиш,
Ийиз гуьрчег жезва ви къамат , дегиш ,
Ислягь уьмуьр тухуз жезвай дуланмиш,
Зегьметчи халкьдин утагъ я, Дардархуьр.
Туп/аралди храз гамни , халича,
Гьар нехишдал чан гьизавай рик/ туна ,
Акъваз женни гьабрин тариф тавуна,
Чи гуьзелрин чинин рагъ я , Дардархуьр!!!
Дардархуьр
© Copyright: Фатимат Османова, 2021
Свидетельство о публикации №121090307763
Свидетельство о публикации №121090307763
Рецензии