Зарафатдин пародия

Не верю в чудеса,но это
Сбылось! Поверите ли вы?
Приехала,как лучик света
Ко мне Теяра из Москвы.
Друг другу души мы раскрыли,
Она согрела дом теплом,
Но мысли заняты все были
О Магомаеве одном...

С.Курабекова

Чlалахъ туш суьгьуьррин зун,я-махарин,
Аламат кар де зи атана кьилел.
Белки давам тиртlа им зи ахваррин:
Теяра-Мислимкай ктабни гъиле?!

Москва гвадарна атана,аку,
Зи дуст,зи азиз вах мугьман  хьана заз.
Шад тир зи кьведлагьай Ватан Актау,
Мислиман шикилни амай мягьтел яз.

Къажгъанар куьрсна за,чрана хинкlал,
Дербентдай хканвай чехирни тир "сагъ".
Къуншидал акъатна "Лезгинка"дин къал,
Мислимкай рахазвай де гевилдин багъ.

Цlрана цавара гъетерни сад-сад.
Йиф мус акъатнатlа чирни хьанач чаз.
Чун чилеллайтlани,хиялри азад,
Кьуьлериз тир цава Мислимахъ галаз.

Пакамахъ нисиниз кватна ахваркай,
Секин тир къуншияр,кьуьлер амачир.
Тек Мислим тир кьиле-амай краркай,
Са гъвечlи легьзени рикlелламачир.

Им вуч тир,акурди ахвар хьана жал?
Амачир Теяра,зи вах,зи патав.
Хтана гьасятни зи рикl чкадал,
Акуна ястухдал Мислимкай ктаб...
22.08.2021 г.