Сих,къалин тамара хьана зун пара,
Суварни раст хьана зал тlимил-шимил.
Де хиял акъатнач а ви чlурарай,
Вун патахъ майилна уьмуьрдин гимид.
Кьакьан,шумал буяр чуьхуьз нацlарин,
Лалдиз физвай гьяркьуь вацlар акуна.
Дили эркиванвал де ви вацlарин,
Атана зи вилик,зи тlемер кьуна.
Гьиниз фейитlани зав ви дад гумай,
Къайи булахрайни хьана хъвайи чlав.
Де ша ви къванерин къайивал кумай
Сарариз гана са гъариб,чими тав.
Я хъуьтlуь леззетнач ви хъуьтlуь хьтин,
Я гатфар хьанайтlа рикlяй кешкина...
Варз алай йиферин яйлахрин серин
Са легьзе гуч битав уьмуьрдихъ ина.
Вахъ цlигелвалзава,Ватан,къе хци,
Вун галайнихъ тир кьван зи вири рекьер.
А ви рагаравай,гьайбатлу,хци,
Секинвал жедач кьван гъурбатра-рикlе...
19.08.202 г.
Вахъ цlигелвалзава, Ватан...
© Copyright: Намик Фарзалиев, 2021
Свидетельство о публикации №121090203014
Свидетельство о публикации №121090203014
Рецензии