КIэищыхьэм сыкъызэпрэкIы
Мэзышъхьи къэсымыуахь
Мэкъамэу гум укъыпэкIы
Ащ пае гъогур мыкIахь.
Тэмашъхьэхэр къэсэкIуахьы
Фарзэр щэджэгу сауж
Сичылэ зэпэсэплъахьы
Сичылэу - сэ синеущ.
Жъыу:
Къэбэхьаблэ иорэд
Гур дещае, чlыр еIат
О уидэхагъэ сыдым пэсшlын?
Iагур еlо марджэ хъужьын!
•
Къэбэхьаблэ иорэд
Сегъэуджы, псэм дыхэт
Хэгъэгу кlасэм изычlыналъ
Джэнэтэу сиКъэбэхьабл!
Лъэпсакlэр апэ зыдзыгъэу
Ахэтыр - Мышъэостый
Насыпэу къытфыкъокlыгъэр
Тэркlэ егашlи мылый
Зы анэм тэ тыкъилъфыгъэу
Мы гъашlэм тыфэхьазыр
Къиныгъор lакlыбы тшlыгъэу
Гушlуагъоу тиlэр о зыр.
29.08.2021 илъ.
къ. Инэм
Къэбэхьаблэ иорэд
© Copyright: Шефруков Адам Рамазанович, 2021
Свидетельство о публикации №121082906643
Свидетельство о публикации №121082906643
Рецензии