Не бачылі? -- Чытайце, людзі! --
Юнак выводзіць на асфальце
Радок, які галовы сцюдзіць:
Мы Вас ніколі не забудзем,
Мы не сустрэнем Вас на сьвяце.
І Беларусь з народам мірным,
Што супраць здзеку паднялася,
Ідзе, пяе свабодзе гімны...
Тут за свабоду сын загінуў,
Каб кожны з ёю паяднаўся.
Улада б'е сябе у грудзі --
Яна ізноў не вінавата,
Што ў Беларусі гінуць людзі, --
Тут узрываюцца гранаты,
Стаяць на спуску аўтаматы.
Збіваюць нас, каб кроў кіпела.
За што? -- За што? -- За прагу волі?
Кладзецца фарба стужкай белай.
Кладзецца фарба стужкай белaй:
Мы не забудзем Вас ніколі.
14.08.2020. Заслаўе.
Мы вас нiколi не забудзем
© Copyright: Валерий Познякевич, 2021
Свидетельство о публикации №121082107480
Свидетельство о публикации №121082107480
Рецензии