***
Ахъаз тунва за ч1ехи пенжерар.
Им заз хъуьрезва, и анардин багъ,
Вунни зи патав гвачирла, зи яр."
Пакизат Фатуллаева: "Анардин багъ"
Цифери лацу, кьунва цавун тагъ,
Кlев хъувунва за мад пенжер-ракар.
Рашхандиз я зал кьецlил нардин багъ:
"Гьинва,гьикl хьана,патав гвач ви яр?"
Лугьуз,чи ашкъид цуькда мидаим,
Тапан умудар ганай вуна заз.
Йифди хилера рахаз милайим,
Билбилдини тек,шагьидвалдай чаз.
Зул я гила мад,багъни а багъ туш,
Садни мус цуькда,мус хкьада цил?
Билбилни амач-ятlа язух къуш,
Мад ви тапарриз хкьач лугьуз зил?
10.08.2021 г.
Свидетельство о публикации №121081201212