Са цуру секинвал ава гьавада,
Яргъалди фейитlа гуз тежедай таб.
Гъафилдай вишришдай са ван хьайитlа,
Саки ахварава-къудгъунзава яб.
Маканни,агь,икьван секин жедай кьван,
Йиф саки чlагана,куьрс хьанва цавай.
Гьа и йиф хьиз ава ви рикlевай къван,
Юзуриз тежезвай,чкадлай завай.
Юкъарин эквери цlурурда белки,
Лугьуз акъудзава за йифер са гьал.
Де ша на чlуганвай гьулдандин кьеркьи,
Тазвач-акl хьайила,замандаллач къал!
Югъувайни тахьай ви инад зайиф-
Виливай хуьзва за мад нубатдин йиф.
05.08.2021 г.
Сонет
© Copyright: Намик Фарзалиев, 2021
Свидетельство о публикации №121081201192
Свидетельство о публикации №121081201192
Рецензии