Кlела аялриз...

Ша,аялар,агата,
Чи межлисдик аката.
Мажал гана къугъунриз,
Жавабар це жузунриз.
Фикир кlватlа,агуда-
Акван ни дуьз лугьутlа.

Кьуд пад шуьше-дакlар я,
Вилик,кьулухъ ракар я.
Жирдин чархар ква вичик,
Акъахдай кьве кlар-кlвачик.
Чи къуллугъдал алахъда,
Чун тухуда кlвалахдал.
Аяларни мектебдиз-
Тарсар кlелиз шад я физ.
Гьазур яни куьн лугьуз-
Вуч ятlа ам?
-*******!

Кьилел са тек карч ала,
Шумуд ракьун кlвач гала.
Рельсерай,тир ракьукай,
Физ я чархар-катокар.
Сигнал гузва гъетlгъетl хьиз,
Лугьуз:хьахьмир зи рекьиз!
Шумудни сад,цlиргъеба,
Аквада ваз рекьева.
Мичlи яру цlай я ам-
Вуч я?
-******* я ам!

Кьве яб фида симерай,
Гуж ава гьа симера!
Яб хкатна кумукьда-
Рекьин кьулал амукьда.
Шофер халуд еб кьуна,
Хутада яб гуьнгуьна.
Мад физ,япар юзурна-
Ракьун балкlан гьазур я!
Жирдин чархар галайд я,
Автобус туш-гълатl я!
Нивай жеда дуьз лугьуз-
Адан тlвар?
-**********!

Агьа,им вуч тегьер я?
Чилин кlаник шегьер я!
Кьуд пад куз я эквера,
Сад туш,кьвед туш-жерге я.
Гилиг хьана цlиргъина,
Цlелхем кватиз чархинай.
Ракьун рекьин винелла,
Кьуд пlипl мичlи туннель я.
Вич тlвекендай акъатай
Аждагьан хьиз аквада.
Гьам фирягь,гьам гьяркьуь я.
Ам поезд хьиз яргъи я.
Чидач шумуд метре я?
Квез я умуд:
-***** я!
30.07.2021 г.