Укъысэупчlмэ, къыосlон

Шефруков Адам Рамазанович
Укъысэупчlмэ, къыосlон
Кlымафэ чъыlэм ипытагъэ
Ос зэтехьагъэм ишъэбагъэ
Тыжьын алырэгъум илъэпlагъэ
Илъэсэу икlрэм игъэхъагъэ...
Укъысэупчlмэ, къыосlон

Укъысэупчlмэ, къыосlон
Гъатхэ мэфэкlым ифэбагъэ
Бзыу макъэ шъабэм икъэбзагъэ,
Псышкуашкуэ цlыкlум иlашlугъэ
Чlыопсым ищыкъэущыгъо
Укъысэупчlмэ, къыосlон.

Укъысэупчlмэ къыосlон
Гъэмафэ тыгъэм икъепсыкlэ
Гъунэнчъэ коцым икъэкlыкlэ
Тикъушъхьэ шыгумэ яшхъонтlагъэ
Жьау чъыlэтагъэми ишlуагъэ
Укъысэупчlмэ, къыосlон.

Укъысэупчlмэ, къыосlон
Бжыхьэпэ жьыбгъэм икъепщакlэ
Ошъо онтэгъум итеплъакlэ
Дышъэ Дунаим идэхагъэ
Ощхыцэр чlым зэрыфэлlагъэр
Укъысэупчlмэ, къыосlон.


© Copyright: Шефруков Адам Рамазанович, 2021
Свидетельство о публикации №121080105948
Список читателей / Версия для печати / Разместить анонс / Заявить о нарушении
Другие произведения автора Шефруков Адам Рамазанович
Рецензии
Написать рецензию
Другие произведения автора Шефруков Адам Рамазанович