Ў акно не стукайце дажджы:
Яшчэ не восень.
Рамонкі танчаць на мяжы
Ў сукенках росных.
І туманамі не сцялі,
Шчымлівы ранак:
Глянь, прывітанне шле зямлі
Густы заранак.
Гай густалісты не кранай,
Мастак прыродны:
Яшчэ красы тут цераз край,
Неверагоднай!
Не апускайце белы пух,
Аблокі, нізка,
Бо да асенніх нудных скрух
Яшчэ няблізка.
А ў садзе яблык упадзе –
Ды не спатоліць…
Бо недзе восень у нудзе
Спатканнем мроіць.
Яшчэ не восень
© Copyright: Надежда Момлик, 2021
Свидетельство о публикации №121072702742
Свидетельство о публикации №121072702742
Рецензии