Сав гечелер юхламай,
Къыйын -тынчым айтагъан.
Арекде туруп болмай
Тез оьзюне къайтагъан
Уллу анам бар эди.
Янгыз къалып олтурсакъ,
Юрегимни билеген.
Гёрмей къалса сагъынып,
Оьзю етип гелеген
Уллу анам бар эди.
Арив кюлкюсю булан
Уьйлерибиз толтурма.
Къолларын оьбе туруп
Къырыйында олтурма
Уллу анам ёкъ энни.
Уллу анам гьакъдагъы
Уллу оюм кёп энни.
Уллу анам бар эди
© Copyright: Сурия Гусеновна Салимова, 2021
Свидетельство о публикации №121072304340
Свидетельство о публикации №121072304340
Рецензии