Эшитмеге сююп асил тавушунг
Олтургъанда гелип мен башлыгъынга,
Гьайлы гёзюнг гьайран арив къаратдынг,
Гёчегендей оьзюнгню яшлыгъынга.
Уллу анам, сагъа ошайгъаныма
Сен гетмейли мен чи тергев бермедим.
Суратлагъа къарагъанда сенден сонг,
Мен оьзюмню гёрдюм, сени гёрмедим.
Боюм-союм булан ошап къалмайлы,
Сюер эдим ошаса гьар ишим де,
Гёрюп сени гёнгюм ачма болмайлы,
Гёрмек къала сени янгыз тюшюмде.
Гёрмек къала
© Copyright: Сурия Гусеновна Салимова, 2021
Свидетельство о публикации №121072304277
Свидетельство о публикации №121072304277
Рецензии