Ц/айлапан хьиз сад лагьана акъатай,
Ч/улав циф хьиз йифиз чилел аватай,
Хажалат хьиз бейхабардиз агатай,
Гьиссна за вун агатайла ,кьуьзуьвал.
Йисар фена йигин атай са гар хьиз,
Гуя ак/я,за акурди ахвар хьиз,
Хабарсуз заз аватай са азар хьиз,
Гьссна за вун агатайла,кьуьзуьвал.
Рехи хьана зи ч/улав тир
ч/арарни,
Акъат хьана сиве авай сарарни,
Ат/айди хьиз зи туьтуьнин дамарни,
Гьиссна за вун агатайла,кьуьзуьвал.
Заз ак/ я,зун накь аял тир,хъуьрез шад,
Рик/е авай гележегдин гьар мурад,
Гуьгьуьл хана,аватай хьиз цавун пад,
Гьиссна за вун агатайла,кьуьзуьвал.
Кьуьзуьвал
© Copyright: Фатимат Османова, 2021
Свидетельство о публикации №121070602923
Свидетельство о публикации №121070602923
Рецензии