Зи уьмуьрдин тарихда гел тур инсан,
Алуддач за рик/елай куь зегьметар.
Заз чирвилин рехъ къалаз гъил кьур инсан,
Лайих я квез лап ч/ехи тир гьуьрметар.
Лап хуралай к/елиз чирна"Азбука",
Эхцигизни,хкудизни тамамдиз.
Тарифарда за квелай зи уьмуьрда,
Чирвал гайи гьарф чизвачир авамдиз.
Чи "Гуьлхалум Камиловна",-лугьузва,
За к/валени,гьак/ къекъвезвай рекьени.
Куь тежриба гваз виликди зун физва,
Алахъда зун гьа ик/ тухуз кьилени.
Т/имил я квез чухсагъулни,баркалла,
Куь зегьметар алцум жедач къиметдал.
Икрам ийиз гьазур я юкь агъузна,
Къе куь вилик зун лап ч/ехи гьуьрметдал.
Зи муаллим
© Copyright: Фатимат Османова, 2021
Свидетельство о публикации №121070500182
Свидетельство о публикации №121070500182
Рецензии