Кьуьлерзава агъзур-агъзур эквери,
Налагь цавай аватнавай гъетер я.
Ийер руш хьиз,лепе гузва пекери,
Йифен шегьер,ви ийервал кьетlен я.
Гьикl кlанда заз михьи,азгар йифер ви-
Сятралди сейр ийиз зун акъваздай!
Кьуьд хьуй,гад хьуй-къайгъу туш,тек цифери
Кьунвачиз хьуй,турай ви цав акваз заз.
Налагь има са легьзе я ахварин,
Чара алам акlай жеда вилик мад.
Мад аял хьиз чlалахъ хъжез махарин,
Карагъда заз девдин къалум Меликмед.
Алатда зи ихьтин чlавуз рикlелай,
И дуьнядин гьакъикъатар тамамдиз.
Гъилевайтlа гьукум,цlийи кьилелай,
Элкъведачир хьи зун мад и аламдиз...
04.07.21г.
Шегьердин йиф...
© Copyright: Намик Фарзалиев, 2021
Свидетельство о публикации №121070403246
Свидетельство о публикации №121070403246
Рецензии