Са хъвехъ хъуьтуьл акуна ви-
Бязи сивел кlвекlалайдаз,
Бязи сиве тlвекавайдаз,
Чпин виле кьуьк авайдаз,
Чпин къуьнел вик алайдаз
Ви винеллай цаз аквада,
Ви пар залан яз аквада.
Акl жеда хьи-
Муькуь хъвехъни хъуьтуьл я ви
Памбакl хьтин.
Фикирда хьи
Вилик квайди абур хвена,
Авай-вачир сабур хвена
Рахазвачтlа-батlул я ам!
Са хъвехъ яна ви,муькуьдни
Вилив хуьда,
Лугьуз ам на мус вугуда!
Де ша чидач
Пайгъамбарриз хас тlул я ам!
Фикирдач хьи вунни ади са кас тирди,
Инсандиз хас зайифрикай
Гьакlани гьа ваз хас тирди.
Лугьудач хьи
Жаваб хгун жеда вавай
Атай,мецел...
Калацlбур авахьда чпин-
Дигмишбур амукьда тарцел...
27.06.21г.
Акl жеда хьи...
© Copyright: Намик Фарзалиев, 2021
Свидетельство о публикации №121070403230
Свидетельство о публикации №121070403230
Рецензии