Пакамахъ фад михьи гьава,
Ч|угвадалди нефес жува,
Гьар са багъри рик|е туна,
Квез апайиз гьазур я зун.
Жува авур хуьрекдикни,
Акатнайт|а к|ан тир вири,
Недай ч|авуз иштягьдивди,
Рик| апайиз гьазур я зун.
Жувахъ авай ац|ай- ич|и,
Куьмекдин гъил ийиз яргъи,
Хиве кьан за ширин чанни,
Квез апайиз гьазур я зун.
Чан багърияр,чан жуванбур,
Дуьньядилай заз масанбур,
Зал аватай ракъинин нур,
Квез апайиз гьазур я зун.
Гьазур я зун
© Copyright: Фатимат Османова, 2021
Свидетельство о публикации №121063001430
Свидетельство о публикации №121063001430
Рецензии