Рик|,ишехьмир,элкъвез кьулухъ килигиз,
Алатнавай йисар элкъуьр хъижедач
Рик|,ишехьмир,вил вегь экуь дуьньядиз,
За сабур гуз вун къуватдай вегьедач.
Чун кьвед сад я,санал я чи сузани,
Туькьуьл,ширин санал дадмиш авуна.
Ша,кьведани чими ийин къузани,
За вахъ галаз кам къачузва ягъуна.
Чун кьвед сад я,къакъуд тежер рекьидал,
Йигин камар зайифармир вуна зи,
Гьикьван вахт я к|валахиз са ивидал,
Хаз алахъмир гьевес квайла лувар зи.
Ишехьмир рик|,белки дердер алатда,
Гьа йисарихъ галаз санал лув гана.
За кьабулдач къене вун бейкеф хьана,
Зун къуватсуз и чилерал амукьна.
Ишехьмир рик|,йисар ийиз туп|алай,
Къуй дердерин нагъв тахьурай вилерал.
Садакьа гуз ц|ийиз къвезмай йикъалай,
Къуват гуз чун къекъведа чи к|вачерал.
Ишехьмир рикl
© Copyright: Фатимат Османова, 2021
Свидетельство о публикации №121062904483
Свидетельство о публикации №121062904483
Рецензии