На сэрцы -- холад і трывога --
Мароз скаваў надзеі дзён.
Жыву малітвамі да Бога,
Але ці ўчуе словы ён?
Стаіць Айчына на каленях --
Няма заступніка ў царкве.
Душа ад холаду калее,
Сняжынкі падаюць на квет...
Зіма. Зіма над Беларуссю.
Яна жыве ў душы людзей.
Праз сіта ўлады снег цярусіць,
Каб люд на той палёт глядзеў.
Няма ідэі, гіне мова,
Сагнуўся дбайны гаспадар,
Што за кароў прыдбаў свой ровар
І быў памкненняў уладар.
Гібее горад, гіне вёска --
Дарог заблытаны сляды.
У Храме свечка плача воскам,
Да сэрца ліпне знак бяды.
11.01.2019. Мінск
ЗНАК БЯДЫ
© Copyright: Валерий Познякевич, 2021
Свидетельство о публикации №121062503303
Свидетельство о публикации №121062503303
Рецензии