Нас хочуць зрабіць сляпымі,
Безмоўнымі і нямымі,
Каб мы ў гістарычным часе
Слядоў не знайшлі ніколі.
Навошта яны так робяць?
Каго яны так баяцца?
Няўжо тых загадаў здрайцаў,
Што ўладу сваю трымаюць?
Не стане народ лаяльным,
Яго не зламаюць турмы
І тысячы падхалімаў,
Што кату служыць гатовы.
Мы ўбачылі іх аблічча --
Няма ў іх вачах надзеі.
Сабраліся ў зграю здрайцы --
Здабычу з ваўкамі дзеляць.
Яны выбіваюць вокны,
Ламаюць замкі і дзверы.
Яны па сваіх законах
Спрабуюць судзіць сумленне.
Нам з імі не йсьці ніколі
Да цемры, што коле ў вочы.
Наш шлях да святла, да волі,
Да сонца, што ў небе крочыць.
Мы выйдзем усе вясною
Са сцягам сваёй свабоды.
Прагонім пачвараў гнюсных,
І разам спяем Пагоню.
27.01.2021. Заслаўе
***
© Copyright: Валерий Познякевич, 2021
Свидетельство о публикации №121062502468
Свидетельство о публикации №121062502468
Рецензии