(Зи имидин руш Афелядин мецелай)
Гзаф ч|имел йис тир. Гьикьван гелкъвейт|ани парникда цанвай помидоррин ва афнийрин цуьквер емиш тагудайбур жезвай. Ч|ижер, маса пепе - шеп|еярни дефицит хьанвай. За са экуьнахъ четинвилелди са хуз кьуна, парникдиз ахъайна, тавакъудив лагьана: "Чан хуз, зи зегьметар терг тахурай, вуна гьакъисагъдаказ к|валаха!"
...Зун шаддаказ, жув- жувалай рази яз парникдин рак|ар к|евна, нянихъ дачадиз атана к|анзавай жуван аялриз афарар чрадай хъчар к|ват|из эгеч|на.
...Са арада "лежбердикай" хабар кьурт|а, вилериз вуч акурт|а хъсан я - хуз гьак| хиялриз штилдал ацукьнава.
Ада зи кьил акурвал, тадиз к|валахдихъ кьил кутуна.
Югъ нянни хьана, гьар зун парникдиз атайла хузра к|валахзавайди хьиз къалурна, къецик акъатайла вичин уюнарна...
.... А зулуз чна бегьерни и хузран алакьунриз килигайди т|уьна...
Теране Керимова Оруджева.
Амалдар хуз
© Copyright: Теране Оруджева-Керимова, 2021
Свидетельство о публикации №121062407169
Свидетельство о публикации №121062407169
Рецензии