Чакаю крокі новае вясны,
Хачу яе пабачыць каля хаты,
Дзе ручаі, нібыта паясы,
Арнаментам і колерам багаты.
Зямля здымае свой зімовы строй
З узорам тым, што пан Мароз прыдумаў.
З вясною размаўляю, бы з сястрой --
Хачу данесьці ёй шмат новых думак.
На стрэхах зазвінелі капяжы.
Птушыны спеў даносіцца здалёку.
Яшчэ адну зіму я перажыў.
Яшчэ адной вясною цешу вока.
19.02.2021. Заслаўе
У чаканнi вясны
© Copyright: Валерий Познякевич, 2021
Свидетельство о публикации №121062400110
Свидетельство о публикации №121062400110
Рецензии