Муг ийизвай чубарук хьиз,кьал к/ват/из,
Къекъвезва вун гьар аялдин хиялда.
Аяларни вун акурла лап шаддиз,
Чеб гьахьзава ви илимдин мегьалда.
Гьерекат ква къекъведайла рекьени,
На лугьуда гьазур жезва женгиниз.
Четинди яз муаллимдин пешени,
Гуьлуьшан чин къалурдач гьич сериндиз.
Ингилис ч/ал хайи ч/алав гекъигна,
Чирвилерин маяк хьанва районда.
Ч/ехи къастар шарт/ яз вилик эцигна,
Муаллим я,рик/ алай гьар хизанда.
Агалкьунар хьурай вахь чи кьегьал руш,
Сад Аллагьди турай ви руьгь къуватда.
Уьмуьр гана к/анивалди рик/из хуш,
Агакьаррай вун мурадрихъ,Назима!
Рикl алай муаллим
© Copyright: Фатимат Османова, 2021
Свидетельство о публикации №121062003085
Свидетельство о публикации №121062003085
Рецензии