Калі імкнуцца сэрцы да Айчыны --
Мільёны думак дасягаюць мэты.
Сягоння ёсьць у кожнага прычыны
Стаць промнямі надзеі той сагрэтым.
Ізноў вясна па Беларусі крочыць.
Гукае мой народ, нібы матуля.
З-пад снегу пазіраюць яе вочы,
А ў глыбіні душы засела куля.
З якіх часін яна той боль трывае,
Чаму аб ім забылі дзеці, ўнукі?
Праз лінію жыцця прайшла крывая --
Яна скруціла нам за спінай рукі.
Аглух Сусвет да голасу народа.
Мы дні і ночы страцілі ў няволі.
Ідзе з вясною па зямлі свабода.
Свабоду сее Бог на весьнім полі.
Ідзі за ім, пакуль вясна гукае
Мільёны сэрцаў да сваёй Айчыны.
Ісус Хрыстос з узнятымі рукамі
Стаў нашай праўдай, нашымі вачыма.
08.03.2021. Заслаўе
***
© Copyright: Валерий Познякевич, 2021
Свидетельство о публикации №121061803595
Свидетельство о публикации №121061803595
Рецензии