Яшамиш жез гьар са миллет,
Арадаваз дуствал,гьуьрмет,
Къадимрилай эхай зиллет,
Халкьар авай чи Дагъустан!
Рухвайрик гьик/ кутан синих?,
Игитар яз хьайи лайих,
Къастаралди к/еви къилих,
Рушар авай чи Дагъустан!
Ислягьвилин пак тир пайдах,
Вине кьун я кьилин дамах,
Кук/ни кук/вал дагъда булах,
Ятар авай чи Дагъустан!
Гуьрчегвилиз авачир сан,
Багьа якъут тир гьар са къван,
Къавкъазда виридлай кьакьан,
Дагълар авай чи Дагъустан!
Аслу тушиз йисан вахтар,
Бул наметрив ац/ай багълар,
Къизиларив тир баранбар,
Накьвар авай чи Дагъустан!
Чаз виридаз я вун масан,
Чан чи хайи диде ватан,
К/ан туш лугьуз гъилер залан,
Икьрар авай чи Дагъустан!!
Чи Дагъустан
© Copyright: Фатимат Османова, 2021
Свидетельство о публикации №121061707354
Свидетельство о публикации №121061707354
Рецензии